۱۰ بهمن ۱۳۸۸

قه‌ڵغانی سه‌بر

ته‌رجه‌مه‌ی قه‌سیده‌یه‌کی " سه‌یفی فه‌رغانی "

مه‌ولانا " سه‌یف الدین محمد فه‌رغانی " له‌ سه‌ده‌ی حه‌فته‌م و هه‌شته‌می کۆچی و له‌ سه‌رده‌مانی ده‌سه‌ڵاتی " ئیلخانان و مه‌غولان " دا ، ژیاوه‌ . له‌ زۆربه‌ی شیعره‌کانیدا ، به‌تایبه‌ت قه‌سه‌یده‌کان ، به‌ دیدێکی ڕه‌خنه‌گرانه‌وه‌ کێشه‌ کۆمه‌ڵایه‌تیی و سیاسییه‌کانی زه‌مانی خۆی باس کردوه‌ . له‌ گه‌ڵ شاعیرانی به‌ناوبانگی وه‌کوو " سه‌عدی شیرازی و هومامی ته‌برێزی " ئاشنایه‌تی و دۆستایه‌تی هه‌بووه . ئه‌م ته‌رجه‌مه‌یه‌ی له‌ به‌ر ده‌ستتاندایه‌ ، ته‌رجه‌مه‌ی قه‌سیده‌ به‌ناوبانگه‌که‌ یه‌تی که‌ به‌م شێوه‌ ده‌ست پێ ده‌کات :
هم مرگ بر جهان شما نیز بگذرد هم رونق زمان شما نیز بگذرد
ناوه‌رۆک و حه‌قیقه‌تی شیعره‌که‌ی سه‌یف ، که‌ به‌رانبه‌ر ده‌سه‌ڵاتدارانی ئه‌و کاتی کۆمه‌ڵگاکه‌ی نووسیویه‌تی ، له‌ ته‌ک هه‌موو سه‌رده‌مانێک ، به‌تایبه‌ت ئه‌م ئان و ساته‌ی ئێمه‌ی تێدا ده‌ژین ، دێته‌وه‌
:
هه‌م مه‌رگ به‌سه‌ر جیهانی ئێوه‌ش دادێ
هه‌م واده‌ به‌ سه‌ر زه‌مانی ئێوه‌ش دادێ .
ئاوازی به‌سامی کونده‌بوو‌ی ئه‌م ده‌رده‌
به‌م کۆشکی سه‌ر و ته‌لانی ئێوه‌ش دادێ .
تاڵاوی ئه‌جه‌ل ، که‌ قورگی هه‌موان ده‌گرێ
به‌و قوڕگ و ده‌م و ددانی ئێوه‌ش دادێ .
ئه‌ی شیری سته‌متان ، وه‌کوو ڕم باڵا به‌رز
کول بوونی ده‌می ده‌بانی ئێوه‌ش دادێ .
چۆن دادی که‌سان نه‌ماوه ‌ هه‌رگیز تا سه‌ر
وا ده‌رفه‌تی زاڵمانی ئێوه‌ش دادێ .
گه‌ر نه‌عره‌ته‌که‌ی شێری وڵاتان خنکا
خنکانی حه‌په‌ی سه‌گانی ئێوه‌ش دادێ .
هه‌ر سوارێ گلا ، نه‌ماوه‌ تۆزی ئه‌سپی
فه‌وتانی هه‌رای که‌رانی ئێوه‌ش دادێ .
ئه‌و بایه‌ که‌ زۆر مۆمی مراند له‌م دونیا
بۆ سه‌رده‌می مۆم کوژانی ئێوه‌ش دادێ .
کاروانێ‌ نه‌ما له‌ئه‌م سه‌رایه‌ی نه‌ڕوا
واده‌ی به‌سه‌را گه‌ڕانی ئێوه‌ش دادێ .
گه‌ر غه‌ڕڕه‌ به‌وه‌ن که‌ چاره‌نووسمان تاره‌
خه‌تتێکه ‌ ، به ‌نێوچه‌وانی ئێوه‌ش دادێ .
ئه‌و ساته‌ که ‌ پێی ، هه‌لی که‌سانت ئه‌ستاند
بۆ سه‌رده‌می ناکه‌سانی ئێوه‌ش دادێ .
رۆژێک و دوو رۆژن‌ ، هه‌ڕه‌تی پیاو چاکان
هه‌ر پاشی دوو ڕۆژ ، نه‌مانی ئێوه‌ش دادێ .
قه‌ڵغانه له ‌ بۆ تیری جه‌فاتان سه‌برم
تا هێزی ده‌س و که‌مانی ئێوه‌ش دادێ .
هه‌ر ماوه‌یه‌که‌ ، گوڵی گوڵستان بۆ که‌س
پاییزی گوڵ و گوڵانی ئێوه‌ش دادێ .
په‌نگاوه‌ته‌وه ‌ سه‌روه‌ت و ماڵتان هاکا
سێڵاوی به‌ سه‌ر سه‌رانی ئێوه‌ش دادێ .
ئه‌سپاردو به‌ ده‌س گورگی ته‌ماحت ، مێگه‌ل
هه‌ر گورگێ به‌ سه‌ر ‌ شوانی ئێوه‌ش دادێ .
گه‌ر فیلی "فه‌نا " ، شاهی "به‌قا " ی مۆڵ دابێ
کێو‌ماڵی پیاده‌کانی ئێوه‌ش دادێ
به‌م شیعره‌‌ "سه‌یف" ، نێوێکی وای بۆ ماوه‌
ئه‌وڕۆکه ‌ به‌سه‌ر زمانی ئێوه‌ش دادێ

۳ نظر:

كاروان گفت...

كاك فه‌ريدون ده‌ست خوش!
بي ته‌عاروف وه‌رگيرانيكي جوانت لي كردبوو... پيشتر له مالپه‌ري كاك ناسر دا خويندبوومه‌وه...

obaid گفت...

سڵاو ماندوو نه بن

له کۆمه ڵگای ئێمه دا ئه م رۆژه به باشی جێ نه که وتووه.هیوادارم راگه یاندنه کان له م بواره دا رؤڵی خۆیان به باشی بگێڕن.


رۆژی جیهانی زمانی دایکی له هه موو نه ته وه کانی جیهان به تایبه ت کوردان پیرۆز بێ، هیوادارم نه ته وه ی کوردیش(له سه راسه ری کوردستان) وه کوو هه موو نه ته وه کانی جیهان ده رفه تی پێ بدری به زمانی خۆی بخۆێنێ و بنوسێ و قسه بکا، با هه موومان هه وڵی زیاتر بده ن بۆ زیندوو راگرتنی زمانی کوردی
وبێکی جوان و رازاوه تان هه یه، سه رکه وتوو بن .
سپاس بۆ ئێوه

obaid گفت...

سڵاو کاک فه ره یدوون ماندوو نه بن

له کۆمه ڵگای ئێمه دا ئه م رۆژه به باشی جێ نه که وتووه.هیوادارم راگه یاندنه کان له م بواره دا رؤڵی خۆیان به باشی بگێڕن.


رۆژی جیهانی زمانی دایکی له هه موو نه ته وه کانی جیهان به تایبه ت کوردان پیرۆز بێ، هیوادارم نه ته وه ی کوردیش(له سه راسه ری کوردستان) وه کوو هه موو نه ته وه کانی جیهان ده رفه تی پێ بدری به زمانی خۆی بخۆێنێ و بنوسێ و قسه بکا، با هه موومان هه وڵی زیاتر بده ن بۆ زیندوو راگرتنی زمانی کوردی
وبێکی جوان و رازاوه تان هه یه، سه رکه وتوو بن .
سپاس بۆ ئێوه